Taekvondo üzrə qadınlardan ibarət Azərbaycan milli komandasında baş məşqçi dəyişikliyi baş verib. Lent.az-ın məlumatına görə, dünya çempionu Niyaməddin Paşayevi bu postda cənubi koreyalı Park Sun Mi əvəzləyib.

Paşayevin özü isə Azərbaycan Taekvondo Federasiyasında texniki direktorun I müavini vəzifəsinə təyin olunub. Onun səlahiyyətlərinə regionlarda çalışan bütün məşqçilərin işinə nəzarət, taekvondoçu seçimi və zona yarışlarının təşkili məsələlərinin həlli daxildir.

Qeyd edək ki, 1972-ci ildə Cənubi Koreyanın paytaxtı Seulda anadan olan Park Sun Mi taekvondoçu kimi çıxış etdiyi vaxt 1994-cü ildə Asiya çempionu, 1995-ci ildə dünya çempionu adını qazanıb. 1990-cı ildən məşqçiliyə başlayan Sun Mi Cənubi Koreyanın Cecu adasının komandasında çalışıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM