Bədii gimnastika üzrə dünya çempionatına hazırlaşan Azərbaycan yığması sentyabrın 3-5-də Qran-Pri silsiləsindən növbəti turnir və İsrailin açıq beynəlxalq çempionatında iştirak edəcək. Azərbaycan Gimnastika Federasiyasından apasport.az saytına verilən məlumata görə, Holon şəhərində baş tutacaq turnirdə ölkəmiz şəxsi və qrup yarışlarında mübarizə aparacaq.

Belə ki, gimnastlarımızdan xalçaya Aliyə Qarayeva, Anna Qurbanova, Samirə Mustafayeva (hər üçü şəxsi), Ceyla Quliyeva, Ayelita Xələfova, Nigar Əbdüsəlimova, Anastasiya Prasolova, Stefani Trayanova və Yevgeniya Jidkovadan ibarət qrup komandası çıxacaq.

Qeyd edək ki, Moskvada keçiriləcək dünya çempionatına idmançılarımız son hazırlıqları da İsraildə keçəcəklər.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar