“Hədəfimiz qrup liderinə çevrilməkdir”. Apasport.az saytının məlumatına görə, bu sözlər Avro-2012-nin seçmə mərhələsində Azərbaycan milli komandasının rəqibi Türkiyə yığmasına cavabdehlik daşıyan Ləvənt Kızıla məxsusdur.

İlk 2 oyunda Qazaxıstan və Belçikaya qalib gələn “ay-ulduzlu”lar bu il keçiriləcək növbəti 2 görüşdə də qələbə qazanmağı planlaşdırırlar. Onlar öncə Almaniya, sonra isə Azərbaycan futbolçularını məğlub etmək arzusundadırlar.

“Belçikaya 3:2 hesabı ilə qalib gəlməklə gücümüzü göstərdik. Mən inanıram ki, uğurumuz davam edəcək. Futbolçularımız Almaniya və Azərbaycan matçlarında da çətinlik çəkməyəcəklər. Onlar rəqiblərini asanlıqla məğlub edə bilərlər. Bundan sonra isə yolumuz asan olacaq” - deyə Kızıl bildirib.

Qeyd edək ki, 2 oyundan sonra Almaniya və Türkiyə yığmaları maksimum xal toplasalar da, Bundestim onları top fərqinə görə qabaqlayır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM