Azərbaycanın idman ictimaiyyətinə ağır itki üz verib. Apasport.az saytının məlumatına görə, uzun illər ölkə şahmatının inkişafında yaxından iştirak edən Oleq Timofeyeviç Pavlenko 68 yaşında dünyasını dəyişib.

1942-ci ildə Bakı şəhərində anadan olan Pavlenko 1959-cu ildən 1975-ci ilə qədər keçmiş SSRİ Xalqlar Spartakiadasında Azərbaycan milli komandasının şərəfini qoruyub. 1960-cı ildə SSRİ - Yunanıstan dostluq matçında gənclərdən ibarət komandada SSRİ-ni təmsil edib. Veteranlar arasında keçirilən Azərbaycan çempionatının mükafatçısı olub.

Pavlenko ömrünün son 20 ilini Azərbaycanda istedadlı şahmatçıların üzə çıxmasına sərf edib. Onun məşqçi-müəllim kimi çoxsaylı istedadlı şahmatçıların inkişafında böyük əməyi olub.

Allah rəhmət eləsin!

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM