Ağırlıqqaldırma üzrə dünya çempionatında mübarizə aparan daha bir atletimiz medal qazanmaq şansını itirib. Apasport.az saytının məlumatına görə, Türkiyənin Antalya şəhərində keçirilən mundialda Elmir Əliyev (56 kq) C qrupunda 7-ci yeri tutub.

Həmyerlimiz birdən qaldırma yarışlarında zəif çıxışı ilə yadda qalıb. O, ilk cəhddə 95 kq çəkini sifariş etsə də, yalnız sonda - 3-cü cəhddə bu çəkini başı üzərinə qaldırmağı bacarıb. Təkanla qaldırma yarışlarına isə Əliyev uğurla başlayıb. O, öncə 120 kq, ardından 127 kq çəkini ram edib. Lakin son cəhddə 132 kq sifariş edən təmsilçimiz bu çəkinin öhdəsindən gələ bilməyib və 2 hərəkətin cəminə görə 222 kq ağırlığı ram edib. Həmyerlimizin yekun nəticəsi sabah keçiriləcək A və B qruplarında çıxışdan sonra müəyyənləşəcək.

Qeyd edək ki, Azərbaycan yığması dünya çempionatında 10 atletlə (8 kişi, 2 qadın) mübarizə aparır. Komandamızın heyətində yalnız Silviya Angelova çıxışını yekunlaşdırıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM