Beynəlxalq Cüdo Federasiyası Tokioda keçirilən dünya çempionatından sonra reytinq cədvəlini açıqlayıb. Apasport.az saytının məlumatına görə, yeni açıqlayan siyahıda Azərbaycan idmançılarından daha çox Ramilə Yusubova (63 kq) irəliləyib. Mundialı bürünc medalla başa vuran həmyerlimiz 21 pillə qabağa gedərək 21-ci yerə yüksəlib və lisenziya xalını 308-ə çatdırıb. Olimpiya çempionumuz Elnur Məmmədli (81 kq) də 18 pillə irəli getməyi bacarıb. 33-cü pillədə yer alan cüdoçumuzun aktivində 208 xalı var.

Dünya çempionatında 7-ci pilləni tutan Elmar Qasımov (100 kq) isə 31-ci yerə qalxıb və lisenziya xalını 220-yə çatdırıb. Mundialdan vətənə bürünc medalla qayıdan Elxan Məmmədov (90 kq) komanda yoldaşlarından fərqli, reytinq siyahısında geriləyib. Lakin 5-ci yerdən 7-ci yerə düşən yığmamızın lideri aktivindəki xalların sayını artırıb. O 756 xalla ən yaxın izləyicisindən 44 xal geri qalır.

Komandamızın digər üzvləri Elxan Rəcəbli (81 kq) 1, Tərlan Kərimov (66 kq) isə 2 pillə aşağı enib. Onların aktivində müvafiq olaraq 322 (26-cı yer) və 324 (17-ci yer) xalları var.

Cüdoçularımızdan yalnız Kifayət Qasımova (57 kq) öz mövqeyini qoruyub. Xanım idmançımız 156 lisenziya xalı ilə yenə 34-cü yerdədir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM