Avro-2012-nin seçmə qrup mərhələsi çərçivəsində oktyabrın 8-də Azərbaycan yığması ilə qarşılaşacaq Avstriya milli komandasının heyətində daha bir itki var. Apasport.az saytının məlumatına görə, Türkiyənin “Beşiktaş” klubunda çıxış edən Ekrem Dağ yığmamıza qarşı oynamaya bilər. Belə ki, türk əsilli futbolçu “Fənərbaxça” ilə keçirilən derbidə zədələnib. 29 yaşlı oyunçu ayaq barmağından xəsarət alıb. İlk baxışdan elə də ciddi görünməyən zədə Dağın yığmamıza qarşı oynamasına əngəl yaradıb. Onun yalnız oktyabrın 12-də Belçika ilə matçda meydana çıxa biləcəyi bildirilib.

Qeyd edək ki, Ekremə qədər avstriyalıların daha bir futbolçusu, Almaniyanın “Bavariya” klubunda çıxış edən Devid Alaba da zədələnmişdi.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM