Avro-2012-nin seçmə mərhələsi çərçivəsində keçiriləcək Azərbaycan – Türkiyə oyununu idarə edəcək hakim müəyyənləşdi. Apasport.az saytının məlumatına görə, oktyabrın 12-də keçiriləcək görüşü rumıniyalı Aleksandr Dyakonu idarə edəcək. UEFA onu Bakıdakı Tofiq Bəhramov adına Respublika stadionunda baş tutacaq görüşə göndərib.

İxtisasca biznesmen olan 38 yaşlı Dyakonu əvvəllər də bu stadionda fit çalıb. O, ötən il UEFA Avropa Liqasının dördüncü təsnifat mərhələsində keçirilən “Qarabağ” - “Tvente” (Hollandiya) oyununu (0:0) idarə etmişdi. Rumıniyalı 2005-ci il iyulun 28-də “Xəzər Lənkəran”la Moldovanın “Nistru” klubları arasında görüşdə də (1:2) ədaləti qorumuşdu.

Qeyd edək ki, Dyakonu UEFA-nın hakimlər üçün ikinci kateqoriyasına daxildir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM