Ağırlıqqaldırma üzrə dünya çempionatında daha bir Azərbaycan atleti çıxışını yekunlaşdırıb. Apasport.az saytının məlumatına görə, Türkiyədə keçirilən mundialda Turan Mirzəyev (77 kq) iştirakını C qrupunun qalibi kimi başa vurub.

Birdən qaldırmada 138 kq çəkinin öhdəsindən gələn həmyerlimiz təkanla 184 kq çəkini başı üzərinə qaldırıb. Nəticədə iki hərəkətin cəminə görə 322 kq ağırlığın altına “girən” Mirzəyev qrupunda bütün rəqiblərini qabaqlayıb. Onun yekun yeri A və B qruplarında mübarizə aparacaq atletlərin çıxışından sonra dəqiqləşəcək.

Qeyd edək ki, dünya çempionatında 10 idmançı ilə qüvvəsini sınayan Azərbaycan yığmasının 4 üzvü çıxışını yekunlaşdırıb və mükafatçılar sırasında düşə bilməyiblər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM