Ağırlıqqaldırma üzrə 2 bolqarıstanlı atlet - Veleçko Çolakov və İvan Stoitsov bundan sonra Azərbaycan yığmasının şərəfini qoruyacaq. Bu barədə apasport.az saytına açıqlamasında Azərbaycan Ağır Atletika Federasiyasının icraçı-direktoru İsgəndər Əsgərov məlumat verib.

O bildirib ki, Afina Olimpiadasının bürünc medalçısı Çolakov və 2007-ci ildə Tailandda keçirilmiş dünya çempionatının qalibi Stoitsovun Azərbaycan bayrağı altında iştirakı üçün bütün sənədlər rəsmiləşdirildiyi üçün artıq onlar milli komandamızın üzvü hesab edilirlər.

Qeyd edək ki, həmin atletlərdən öncə bolqarıstanlı Silviya Angelova və Rumyana Petkova da milliləşdirilərək yığmamıza cəlb ediliblər. Lakin son dünya çempionatında komandamızın heyətində yer alan xanım ağırlıqqaldıranlardan fərqli, yeni transferlər 2012-ci il iyunun 8-dən sonra yarışlarda çıxış edə biləcəklər. Buna səbəb onların Pekin Olimpiya Oyunları ərəfəsində Bolqarıstan yığmasının heyətində dopinqdə ilişən 11 idmançısı arasında olması və 4 illik yarışlardan kənarlaşdırılmalarıdır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM