Avro-2012-nin seçmə mərhələsində Azərbaycan milli komandasının rəqibi olan Almaniya yığmasının baş məşqçisi Yoahim Löv növbəti titulunu qazanıb. Apasport.az saytının məlumatına görə, mütəxəssisə “Frayburq” klubunun fəxri kapitanı adı verilib.

Bundesliqa təmsilçisinin prezidenti Frits Keller Lövün klub qarşısındakı xidmətlərini bu yolla qiymətləndirmək qərarına gəlib. Bundestimin çalışdırıcısı 1978-80, 1982-84 və 1985-89-cu illərdə futbolçu kimi “Frayburq”da çıxış edib.

Qeyd edək ki, Löv klubun 106 illik tarixi ərzində 6-cı fəxri kapitandır.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar