Azərbaycan milli komandasının Avro-2012-nin seçmə mərhələsində növbəti rəqibi olan Avstriya yığması Ümik Korkmazın xidmətindən məhrum olub. Apasport.az saytının məlumatına görə, Almaniyanın “Ayntraxt” klubunun milliyətcə türk olan futbolçusu oktyabrın 8-də Vyanada millimizə qarşı oynaya bilməyəcək.

Ötən oyunlarda heyətdə yer alan yarımmüdafiəçi virus infeksiyasına görə Qazaxıstanla görüşdə də iştirak etməmişdi. Digər yarımmüdafiəçi Kristof Leytqeb (“Zalsburq”, Almaniya) də bu dəfə dəvət almayıb.

Rəqibin heyətində bir sıra dəyişiklər geri dönənlərlə bağlıdır. Belə ki, yarımmüdafiəçi Paul Şarner (“Vest Bromviç”, İngiltərə) və hücumçu Marko Arnautoviç (“Verder”, Almaniya) yığmaya qaytarılıb. Avstriyanın “Vakker” klubunun müdafiəçisi Fabian Kox isə yığmanın debütantıdır.

Qeyd edək ki, Avstriya yığmasının baş məşqçisi Ditmar Konstantini Azərbaycan və Belçika milliləri ilə oyunlara 23 futbolçu çağırıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM