“Qalatasaray” klubunun prezidenti Adnan Polat futbolçusu Sərvət Çətinlə Azərbaycanla oyundan sonra ciddi söhbət edəcək. Apasport.az saytının məlumatına görə, Polat Türkiyə Superliqasının son turunda “Karabükspor”la oyun öncəsi baş məşqçi Frank Raykaardla mübahisəsi yaranan və nəticədə məşqdən qovularaq səfər görüşünə aparılmayan müdafiəçinin davranışından narazıdır.

Klub rəhbəri Avro-2012-nin seçmə mərhələsində Almaniya və Azərbaycanla səfər oyunlarından sonra Sərvətə xəbərdarlıq edəcək. “Qalatasaray”ın “Karabükspor”a məğlubiyyəti Polatın kefini pozub. Prezident komandasının 7 turda artıq 3 dəfə uduzmasına çox qızğındır. O, Sərvət problemi ilə əlaqədar baş məşqçi Frank Raykaarda da qəzəblənib. Rəhbərlik heyətdən kənarlaşdıran hollandiyalı mütəxəssisin atasının vəfatı ilə əlaqədar söhbəti sonraya saxlayaraq, yığmanın da oyunlarının bitməsini gözləyir. Raykaard isə Çətinlə probleminin olmadığını bildirib: “Sərvətə yığmaya gedəcəyi və digər futbolçularımıza baxmaq üçün istirahət verdik. O, yığmadan dönəndən sonra məşqlərə çıxacaq”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM