“Əlbəttə, Almaniya ilə oyun xüsusi əhəmiyyət kəsb edir. Bu, bütün Avropanın izləyəcəyi qrupun favoritlərinin görüşüdür. Oyunu bizim üçün ən əhəmiyyətli saymalı olduğumuzu bilmirəm. Qazaxıstan və Azərbaycanla görüşlər də vacibdir”. Apasport.az saytının məlumatına görə, bu fikirləri Türkiyə yığmasının baş məşqçisi Qus Hiddink deyib.

Bu gün Avro-2012-nin seçmə mərhələsində Almaniya millisi ilə səfər oyununa çıxacaq “ay-ulduzlular” oktyabrın 12-də Azərbaycan yığmasının qonağı olacaq. Berlində açıq oyun gözləyən Hiddink Bakıda xal itirməyi yolverilməz sayır: “Mən Almaniya yığmasından açıq futbol gözləyirəm. Almaniya yığması son illərdə Avropada ən güclü komanda olub. O, qitənin ən yaxşı hücum edən yığmalarındandır. Bizə belə rəqiblə görüşdə öz gücümüzü yoxlamaq çox maraqlı olacaq. Eyni zamanda bu, cari seçmə mərhələnin yalnız bir oyunudur. Azərbaycan və Qazaxıstanla oyunlar bizim üçün az əhəmiyyətli deyil. Biz bu görüşlərdə xal itirməyi özümüzə yol verə bilmərik. Məqsədimiz qrupdan çıxmaqdır. Buna görə istənilən rəqibdən xal götürməliyik. Artıq 6 xalımızın olduğuna görə razıyam. Bu impulsu saxlamalıyıq”.

Hollandiyalı mütəxəssis Almaniyada yaşayan çoxsaylı türklərdən güclü dəstək gözləyir: “Sözsüz ki, stadionda çoxlu türk azarkeşlərinin gələcəyinin gözlənilməsi bizim üçün çox yaxşıdır. Onlarla bağlı proqnoz doğrularsa və Berlindəki stadionunda bizi 30 min nəfər dəstəkləyərsə, buna çox sevinərəm”.

Qeyd edək ki, Hiddink ötən seçmə mərhələdə Rusiya yığmasının baş məşqçisi kimi evdə yığmamıza qalib gəlsə də (2:0), Bakıda xal itirdi – 1:1.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM