İspaniya milli komandasının futbolçusu Fernando Lorente Avro-2012-nin seçmə mərhələsinin Litva ilə oyunu haqda fikirlərini açıqlayıb. Apasport.az saytının məlumatına görə, hücumçu 3:1 hesabı ilə məğlub etdikləri rəqibin futbolçularını tərifləyib. Lorente bakının “İnter” klubunun üzvü Robertas Poşkusun da yer aldığı rəqib komandanın futbolçularını top ovçusuna bənzədib: “Biz belə qələbəyə çox sevinməliyik. Litva yığmasının hər futbolçusu sanki top ovlamaqla məşğul idi. Topa yiyələnən kimi də təhlükəli hücum edirdilər. Vurduğum 2 qola görə isə Serxio Ramos və Santi Kasorlaya minnətdaram. Belə dəstək olmasa hücumçular qol vura bilməz”.

Qeyd edək ki, “İnter”in heyətində Azərbaycan çempionu olan Poşkus dünyanın ən güclü komandasına qarşı oyunda 5 dəqiqə oynayıb. Yəni, 5 dəqiqə top “ovlayıb”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM