Türkiyə milli komandasının futbolçusu Sərvət Çətinin Avro-2012-nin oktyabrın 12-də keçiriləcək görüşdə Azərbaycan yığmasına qarşı oyunda forma geyməsi sual altındadır. Apasport.az saytının məlumatına görə, oktyabrın 8-də Almaniyaya qarşı səfərdə keçirilən oyunda burnu sınan müdafiəçi meydana çıxacağı halda maska geyəcək. Yığmanın həkimi Çingiz Dinc Sərvətin müayinəsindən sonra bildirib ki, onunla bağlı son qərar oyun günü veriləcək. Onun sözlərinə görə, Çətin oynamalı olarsa, mütləq üzünə qoruyucu maska taxmalıdır. Əks halda burnundakı xəsarəti təzələməklə durumunu daha da ağırlaşdıra bilər.

Qeyd edək ki, oktyabrın 12-də baş tutacaq Azərbaycan – Türkiyə oyunu Tofiq Bəhramov adına Respublika stadionunda keçiriləcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM