“Almaniya yığmasını səfərdə yenmək asan deyil. İnanıram ki, itkilərimizi Azərbaycanda kompensasiya edə biləcəyik”. Apasport.az saytının məlumatına görə, bu fikirləri Türkiyə millisinin futbolçusu Arda Turan deyib.

Avro-2012-nin seçmə mərhələsində Almaniya ilə səfər oyunu öncəsi zədəsi olan “Qalatasaray”ın kapitanı Bakıya gələsi olmadı. Berlindən birbaşa İstanbula yollanan Ardanın dərhal cərrahiyyə əməliyyatı olunmasına qərar verildi: “Əməliyyata gedirik. Ümid edirəm ki, mənim üçün xeyirli olar. Milli komandamın və “Qalatasaray”ın tibbi heyətinə minnətdaram. Nə qədər müxtəlif söz-söhbətlər olsa da, onlar ağrılarım olan vaxtda əllərindən gələnin ən yaxşısını etdilər”.

“Qalatasaray”ın tibbi koordinatoru Burak Kunduracıoğlu Ardanın 4-6 həftə sonra yaşıl meydana qayıdacağını bildirib: “Onun Belçika ilə oyundan sonra ağrıları olmuşdu. Həm ayaq biləyində, həm də qasıq nahiyəsində ağrıların şiddətlənməsi üzündən onu müalicəyə almışdıq. Bu gün ediləcək əməliyyatdan sonra çərşənbə günü qayıdacağıq”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM