“Arda Turan yığmamız üçün əhəmiyyətli futbolçudur. Onun Bakıda da bizimlə olmasını çox istərdim”. Apasport.az saytının məlumatına görə, bu sözləri Türkiyə yığmasının kapitanı Əmrə Bələzoğlu deyib.

Avro-2012-nin seçmə qrup mərhələsində sabah Azərbaycanla qarşılaşacaq “ay-ulduzlu” komandanın futbolçusu bu gün təçkil olunan mətbuat konfransında maraqlı fikirlər səsləndirib: “Uduzduq və ya qalib gəldik, fərqi yoxdur. Məsuliyyəti komandanın bütün üzvləri daşıyırlar. Almanlara acı məğlubiyyətdən sonra Azərbaycanla oyunda 3 xal qazanmaq gözəl fürsətdir. İnanıram ki, biz bunu bacaracağıq”.

Əmrənin fikrincə, milli komandamızla oyunda uduzsalar belə, bu faciə olmayacaq: “Sabah məqsədimiz qələbə qazanmaqdır. Lakin xal itirsək belə bu, bizim üçün faciə deyil. Növbəti mərhələyə yüksəlmək üçün oyunumuza davam edəcəyik”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM