Türkiyə milli komandasının baş məşqçisi Qus Hiddinkin Azərbaycanla oyunun fasiləsi zamanı futbolçularına verdiyi tapşırıqlar məlum olub. Apasport.az saytının məlumatına görə, həmin an soyunub-geyinmə otağında olanlar arasında hollandiyalının sözlərini mətbuata sızdıranlar tapılıb.

Həmin mənbə bildirib ki, Hiddink fasilə zamanı çarəsizlikdən oyunçulara heç bir taktiki tapşırıq verməyib. Mütəxəssis oyunçuları yalnız psixoloji cəhətdən ikinci hissəyə kökləməyi lazım bilib: “Hamınız mənə baxıb nə gözləyirsiniz? Sizə nə deməyimi gözləyirsiniz ki? İkinci hissədə meydana çıxın və nüfuzunuzu xilas edin. Bu oyun üçün hər hansı taktika-zad deməyim bir nəticə verməz. Rəqibimiz Azərbaycandır. Bəlkə də sizin qazancınızın 1/30 hissəsini qazanırlar. Buna görə də meydana çıxın və işinizi bitirin”.

Qeyd edək ki, yığmamız Türkiyə futbolçularını Rəşad Sadıqovun ilk yarıdakı qolu ilə məğlub edib – 1:0.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM