Avro-2012-nin seçmə mərhələsində Azərbaycan millisi ilə eyni qrupda mübarizə aparan Qazaxıstan yığmasının baş məşqçisi Bernd Ştork vəzifəsindən azad edilib. Apasport.az saytının məlumatına görə, Qazaxıstan Futbol Federasiyasının İcraiyyə Komitəsi almaniyalı mütəxəssislə bağlı qərar qəbul edib. Onlar Ştorkun cari seçmə mərhələdə işini qiymətləndirərək, qarşıya qoyulan vəzifənin öhdəsindən gələ bilmədiyini qənaətinə gəliblər. Qurum rəhbərliyi bu gün Almatıda keçirdiyi mətbuat konfransında ilin sonunda müqaviləsi başa çatan almaniyalı ilə əməkdaşlığa son qoyduqlarını rəsmən açıqlayıblar.

Qeyd edək ki, milli komandamızla hər iki oyunu gələn il keçirəcək Qazaxıstan yığmasının yeni baş məşqçisi ilə bağlı axtarışlara artıq start verilib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM