Bu gün Bolqarıstanın Plovdiv şəhərində şahmat üzrə Avropa klub çempionatı start götürür. Apasport.az saytının xəbərinə görə, yarışda ilk dəfə olaraq Azərbaycan komandası da mübarizə aparır.

Artıq ilk turda SOCAR klubunun rəqibi müəyyənləşib. Şahmatçılarımız yarışın ilk günündə “Gambit-Asseco-See” (Makedoniya) ilə qarşılaşacaq.

Qeyd edək ki, yarışda həmyerlilərimizlə birgə 49 komanda Avropa çempionu adı uğrunda qüvvəsini sınayacaq. 7 turdan ibarət olacaq yarışın rəsmi açılış mərasimi və kapitanların görüşü bu gün baş tutacaq. İlk tur oktyabrın 17-də start götürəcək və 23-də qitə çempionunun adı bəlli olacaq. 24-də isə yarışın bağlanış mərasimi baş tutacaq.

Heyətində Şəhriyar Məmmədyarov, Teymur Rəcəbov, Rauf Məmmədov, Eltac Səfərli, Aleksandr Qrişuk (Rusiya), Aleksey Şirov (İspaniya), Maksim Vaşyer-Laqrav (Fransa) və Rustam Qasımcanov (Özbəkistan) olan komandamıza Olimpiya çempionu Vladimir Tukmakov kapitanlıq edəcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM