Beynəlxalq Şahmat Federasiyası (FİDE) noyabr ayı üçün reytinq cədvəlini açıqlayıb. Apasport.az saytının məlumatına görə, yeni siyahıda şahmatçılarımızdan yenə də ilk “10-luq”da yalnız Şəhriyar Məmmədyarov yer alıb.

Klublararası Avropa çempionatında iştirakla reytinq xalını 2763-ə çatdıran qrossmeysterimiz 8-ci pillədəki yerini qoruyub. Onunla müqayisədə Teymur Rəcəbovun mövqeyində dəyişiklik olub. Azərbaycanın “sülhsevər oğlu” 4 reytinq xalı itirsə də, digər rəqiblərinin geriləməsi səbəbindən nəhs pilləni tərk edib. O, 2744 xalla 12-ci yerə yüksəlib.

Zəka sahiblərimizdən ən çox irəliləyən Vüqar Həşimov olub. Çində “Böyük dəbilqə”də cəmi 1 məğlubiyyət acısı yaşayan həmyerlimiz 26-cı pillədən 17-ci yerə qalxıb. Onun aktivində 2733 xalı var. İlk “100-lük”də yığmamızın üzvü Rauf Məmmədov da yer alıb. Bolqarıstanın Plovdiv şəhərində klublararası çempionatda zəif çıxış edən Məmmədov 3 pillə geriləyərək, 83-cü yerə enib (2660).

Qeyd edək ki, uzun fasilədən sonra reytinq cədvəlinin ilk pilləsində də dəyişiklik olub. Hindistanlı Vişvanatan Anand norveçli Maqnus Karlseni 2 xal qabaqlayaraq 2804 xalla liderliyə yüksəlib. İlk “3-lüy”ü isə erməni Levon Aronyan (2801) qapayır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM