Peşəkar boksçumuz Azad Əzizov növbəti görüşünü keçirib. Apasport.az saytının məlumatına görə, mayda İBO kəmərini qazanan 27 yaşlı idmançımız bu dəfə PABA kəməri uğrunda qüvvəsini sınayıb.

Almaniyanın Stralsunde şəhərində təşkil olunan döyüşdə Əzizovun rəqibi Gürcüstanı təmsil edən erməni əsilli Kaxaber Avetisyan olub. Almaniyada baş tutan görüşdə rinqə “Sarı gəlin” mahnısının sədaları altında çıxan həmyerlimiz döyüşü nokdaunla bitirib.

Belə ki, 10 raunddan ibarət olan qarşılaşmanın 6-cı hissəsində boksçumuzun güclü zərbələri qarşısında tab gətirə bilməyən rəqib görüşü davam etdirə bilməyib və qarşılaşmanı yarımçıq dayandırmaq məcburiyyətində qalıb.

Bu, Əzizovun peşəkar rinqdə 27-ci görüşü və 23-cü qələbəsi olub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM