“Komandamız 3 ay bundan öncə Azərbaycan Boks Federasiyasının prezidenti Kamaləddin Heydərov tərəfindən yaradılıb”. Apasport.az saytının məlumatına görə, bu sözləri paytaxtın “Baku Fires” boks klubunun baş məşqçisi Yevgeni Kotev deyib.

Rusiyalı məşqçi bildirib ki, yetirmələri Dünya üzrə Boks Seriyasının (WSB) ilk mərhələsi çərçivəsində sabah Çinin “Beijing Dragons” komandası ilə döyüşə hazırdır: “Təlim-məşq toplanışını ABŞ-ın Mayami şəhərində keçmişik. Hazırlığımız əladır. Bu, özünü döyüşlərdə də göstərəcək. Komandamızda zəif bənd yoxdur. Dünya çempionatının finalçısı Romal Amanov və Avropa çempionu Denis Poyatska çox güclüdürlər. Komandamızın bütün boksçularına ümidim böyükdür”.

Qeyd edək ki, “Baku Fires” və “Beijing Dragons” komandası “Sərhədçi” Olimpiya Mərkəzində ən güclünü müəyyənləşdirəcəklər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM