Azərbaycanın “Baku Fires” komandası Dünya Boks Seriyasının (WSB) ilk mərhələsinə uğurla başlayıb. Apasport.az saytının məlumatına görə, paytaxtımızda Çinin “Beijing Dragons” klubunu qəbul edən boksçularımız 5:0 hesabı ilə qələbə qazanıblar.

Belə ki, ilk 2 görüşdə Məhəmməd Əbdülhəmidov (54 kq) Lou Şaofanqa, Romal Amanov (61 kq) Lei Fanqa qalib gəldikdən sonra qonaqlar rinqə çıxmaqdan imtina ediblər. Rəqib digər idmançılarının əlcəklərində problem yarandığını əsas gətirdiyindən digər 3 boksçumuza - Soltan Migitinov (73 kq), Denis Poyatska (85 kq) və Maqomedrasul Məcidova (91+) texniki qələbə verilib.

Qrupumuzda yer alan digər döyüşdə isə Qazaxıstanın “Astana Arlans” komandası Cənubi Koreyanın “İnçon Red Uinqs” klubuna 5:0 hesabı ilə qalib gəlib.

Qeyd edək ki, “Baku Fires” növbəti görüşünü noyabrın 27-də “Astana Arlans”a qarşı keçirəcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM