Gürcüstanda güllə atıcılığı üzrə keçirilən beynəlxalq turnirə yekun vurulub. Apasport.az saytının məlumatına görə, yarışa qatılan Azərbaycan yığması vətənə 4 medalla qayıdıb.

Komandamızın üzvlərindən kişilər arasında 10 metr məsafəyə pnevmatik tapançadan atəşaçmada Rəsul Məmmədov 572 xalla turnirin qalibi adını qazanıb. Bu məsafədə II yer də həmyerlimizə qismət olub. Məmmədovdan 3 xal az toplayan Ruslan Lunyov turniri gümüş medalla başa vurub.

Qadın snayperlərin mübarizəsində 10 metr məsafəyə kiçikçaplı tapançadan atəşaçmada İradə Aşumova (377) fəxri kürsünün II pilləsində yer alıb. Yığmamızın digər üzvü Nigar Bağırova (377) isə bürünc medalla kifayətlənib.

Qeyd edək ki, güllə atıcılarımızı qarşıda Azərbaycan kuboku gözləyir. Noyabrın 26-30-da keçiriləcək yarış yığmanın heyətini formalaşdırmaq baxımından böyük əhəmiyyət kəsb edəcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM