WSB liqasında mübarizə aparan “Baku Fires” klubu növbəti görüşünü noyabrın 27-də səfərdə Qazaxıstanın “Astana Arlans” komandasına qarşı keçirəcək. Azərbaycan Boks Federasiyasından apasport.az saytına verilən məlumata görə, artıq hər iki klub şənbə günü rinqə çıxacaq boksçuların adlarını açıqlayıb.

Belə ki, Astanada baş tutacaq döyüşdə “Baku Fires”in heyətində Rəhim Nəcəfov (54 kq), Koba Pxakadze (61 kq), Məhəmməd Nuritdinov (73 kq), Denis Poyatska (85 kq) və Məhəmmədrəsul Məcidov (+91) qüvvələrini sınayacaqlar. Rəqib komanda isə boksçularımıza qarşı Nurlan Seitimbetov (54 kq), Yerjan Mussafirov (61 kq), Baxıt Sarsekbayev (73 kq), Marat Moldagereyev (85 kq) və Milutin Stankoviçə (+91) şans verəcək.

Yarışın qaydalarına əsasən, boksçular ən azı iki həftə dincəlməlidirlər. Buna görə, ilk turda rinqə çıxmış idmançılar bu dəfə mübarizə aparmayacaqlar.

Xatırladaq ki, “Baku Fires” I görüşündə “Beijing Dragons” klubunu 5:0 hesabı ilə məğlub etmişdi.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM