WSB liqasında mübarizə aparan “Baku Fires” klubu növbəti qələbəsini qazanıb. Apasport.az saytının xəbərinə görə, komandamız Almatıda keçirilən görüşdə Qazaxıstanın “Astana Arlans” klubunu 4:1 hesabı ilə məğlub edib.

54 kq çəki dərəcəsində Rəhim Nəcəfov Nurlan Seitimbetov üzərində texniki nokautla qələbə qazanıb. Belə ki, 4-cü raundda Qazaxıstan idmançısı zədələndiyindən hakimlər onun görüşü davam etdirməsinə icazə verməyiblər.

61 kq çəki dərəcəsində Koba Pxakadze Yerjan Musafirova uduzub. Ancaq bundan sonra rinqə çıxan hər üç boksçumuz görüşlərini qələbə ilə yekunlaşdırıb. Məhəmməd Nuritdinov (73 kq) Pekin Olimpiadasının qalibi Baxıt Sersekbayevi, Denis Poyatska (85 kq) Marat Moldaqereyevi, Məhəmmədrəsul Məcidov (91+) isə Milutin Stakoviçi məglub edib.

Beləliklə, Asiya zonasında mübarizə aparan “Baku Fires” klubu 2 oyundan sonra 100 faizli nəticə göstərib. Komandamız ilk görüşdə Çinin “Beijing Dragons” klubunu 5:0 hesabı ilə üstələmişdi. “Baku Fires”ni dekabrın 11-də növbəti rəqibi Koreyanın İnçeon şəhərinin boksçuları olacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM