WSB liqasında mübarizə aparan “Baku Fires” növbəti görüşünü dekabrın 18-də “Sərhədçi” İdman Olimpiya Mərkəzində “Incheon Red Wings” komandasına qarşı keçirəcək. Apasport.az saytının məlumatına görə, döyüşün başlamasına 2 gün qalmış hər iki komanda heyətini açıqlayıb.

Görüşdə “Baku Fires”in heyətində rinqə Rəhim Nəcəfov (54 kq), Koba Pxakadze (61 kq), Osman Əliyev (73 kq), Denis Poyatska (85 kq) və Məhəmmədrəsul Məcidov (+91) çıxacaqlar. Rəqib isə boksçularımıza qarşı Lukaş Adam Maşçuk (54 kq), Doja Li (61 kq), Kyuçeol Li (73 kq), Abdelxafid Bençabla (85 kq) və Rüstəm Saidova (91+ kq) şans verəcək.

“Incheon Red Wings”in heyətində olan boksçulardan 3-ü legionerdir. Bunlar Maşçuk (Polşa), Bençabla (Əlcəzair) və Səidovdur (Özvəkistan).

Xatırladaq ki, dekabrın 11-də keçirilən görüşdə “Baku Fires” Cənubi Koreya klubunu 4-1 hesabı ilə məğlub etmişdi. Komandamız hər 3 görüşdə qələbə qazanaraq, qrupun vahid lideridir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM