Boks üzrə Azərbaycan milli komandasının yeni baş məşqçisi müəyyənləşib. Azərbaycan Boks Federasiyasının I vitse-prezidenti Ağacan Abiyevin Lent.az-a verdiyi məlumata görə, bu, WSB (Ümumdünya Boks Seriyası) Liqasında mübarizə aparan “Baku Fires” klubunun baş məşqçisi Yevgeni Kotovdur.

Rusiyalı mütəxəssisin təyinatı yaxın günlərdə ABF İcraiyyə Komitəsinin iclasında rəsmiləşəcək. Onun köməkçisi isə Nəriman Abdullayev olacaq. Beynəlxalq dərəcəli idman ustası Kotovun ilkin məqsədi Azərbaycan boksçularına 2012-ci il London Yay Olimpiya Oyunlarına daha çox lisenziya qazandırmaqdan ibarət olacaq.

Abiyev bildirib ki, indiyədək millimizə rəhbərlik etmiş Xesus Yu Polierlə Lazaro Ximenes Martines hazırda vətənləri Kubadadırlar. Hər iki mütəxəssislə müqavilə müddəti başa çatıb. ABF rəsmisi artıq Polierlə yollarını ayırdıqlarını, Martinesin məsələsinə isə hələ aydınlıq gəlmədiyini bildirib: “Martines millidə yox, Azərbaycan klublarından birində çalışa bilər”.

Qeyd edək ki, əslən Dağıstandan olan Yevgeni Kotovun rəhbərliyi altında “Baku Fires” WSB Liqasında indiyədək keçirdiyi hər 3 görüşdə qələbə qazanıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM