Bakı – APA. Bu gün Azərbaycan Gimnastika Federasiyasının ümumi yığıncağı keçirilib. APA-nın məlumatına görə, Gənclər və İdman Nazirliyində keçirilən iclasda Federasiyanın vitse-prezidenti Altay Həsənov AGF-in 4 illik fəaliyyətinin yekunları barədə hesabat məruzəsi ilə çıxış edib.

İclasda Federasiya prezidentinin, vitse-prezidentinin, İcraiyyə Komitəsi üzvlərinin seçilməsi məsələlərinə baxılıb, yeni Nizamnamə müzakirə olunub.

Azərbaycanın birinci xanımı, UNESCO-nun və İSESKO-nun xoşməramlı səfiri, millət vəkili Mehriban Əliyeva yenidən AGF-in prezidenti seçilib.

Altay Həsənov isə yenidən vitse-prezident, Rauf Əliyev, Rafiq Behbudov və Arif Qafarov İcraiyyə Komitəsinin üzvləri seçiliblər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM