“Hazırlığımız yüksək səviyyədə keçib. Cüdoçularımız hamısı təlim-məşq toplanışında özlərini yaxşı tərəfdən göstərməyi bacarıblar”. Bu sözləri apasport.az saytına açıqlamasında cüdo üzrə Azərbaycan yığmasının baş məşqçisi Ağayar Axundzadə deyib.

Sabah Bakıda usta cüdoçular arasında turnir start götürəcək. Yarışda hər çəki üzrə dünyanın 16 ən güclü idmançısı qüvvəsini sınayacaq. Axundzadə bildirib ki, bu mötəbər turnirdə mübarizə aparacaq yığmamızın hər bir üzvünə böyük ümid bəsləyir: “Şağan Olimpiya İdman Mərkəzində məşqlərimizi yekunlaşdırıb, yarışın keçiriləcəyi “Sərhədçi” Olimpiya Mərkəzində hazırlığımızı davam etdiririk. Turnir çox gərgin keçəcək. Yetirmələrimə gəldikdə, onları fərqləndirmək istəmirəm. Çünki lazımı şəkildə təlim-məşq toplanışı keçirildiyindən komandamızın hər 1 üzvü fəxri kürsüdə yer almağa layiqdir. Bunun üçün onların hər birindən medal gözləyirəm”.

Qeyd edək ki, London-2012-yə lisenziya xalı verəcək yarışda yığmamız 10 cüdoçu ilə təmsil olunacaq. 200 min ABŞ dolları mükafat fondu olan turnirin qalibi aktivinə 400 xal yazacaq. 2-ci və 3-cü yerləri tutanlar isə müvafiq olaraq, 240 və 160 xal qazanacaqlar.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM