Taekvondo üzrə kişilərdən ibarət Azərbaycan milli komandası İsmayıllıda keçirilən təlim-məşq toplanışını başa vurub. Apasport.az saytının məlumatına görə, 10 günlük məşqlərdən sonra yığmamız hazırlığını Koreyada davam edəcək.

Artıq səfərə yollanacaq heyət açıqlanıb. Belə ki, Asiya ölkəsində təlim-məşq toplanışında və sonra ABŞ-da keçiriləcək beynəlxalq turnirdə Aydın Samirov (58 kq), Fariz Əliyev, Elvin Məmmədov (hər ikisi 68 kq), Ramin Əzizov (80 kq) və Aydın Bəhmalov (+87 kq) iştirak edəcəklər. Yığmamız Koreyaya yanvarın 17-də və ya 18-də Con Conq Benin rəhbərliyi altında gedəcək.

Qeyd edək ki, gəclər arasında Azərbaycan çempionu Bəhmalov milli komandamıza ilk dəfə çağırılıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM