“Baku Fires” WSB liqasında 7-ci görüşünü də qələbə ilə başa vurub. Apasport.az saytının xəbərinə görə, komandamız bu dəfə də səfərdə Çinin “Beijing Dragons” klubunu 3:2 hesabı ilə məğlub edib.
Makao şəhərində keçirilən döyüşdə ilk olaraq Məhəmməd Abdulhəmidov Şaofanq Liyə uduzub. Amma 61 kq çəki dərəcəsində mübarizə aparan Romal Amanov Lei Fanq üzərində qələbə qazanmaqla, WSB liqasında ilk qalibiyyətini əldə edib. Vei Li Məhəmməd Nuritdinovu üstələdikdən sonra hesab meydan sahiblərinin xeyrinə dəyişib - 2:1. Ancaq rinqə çıxan digər 2 boksçumuz məşqçilər heyətinin etimadını doğruldub.
Əvvəlcə Ramazan Maqomedov Assane Fayeni məğlub edib. Görüşdə son nöqtəni Abdulqadir Abdullayev qoyub. Ən ağır çəkidəki təmsilçimiz Əbdulqadir Abdullayev Xianqyanq Çxenqi 2-ci raundda nokaut edib. Qeyd edək ki, WSB liqasının rəsmi saytında səhvə yol verilib. Belə ki, rinqə çıxan bəzi boksçuların adları yanlış göstərilib.
Qrupun digər görüşündə “Astana Arlans” Cənubi Koreyanın “Pohang Poseidons” klubunu 3:2 hesabı ilə məğlub edib. Bu qələbədən sonra “Baku Fires” 21 xal toplamaqla liderliyini davam etdirir. “Baku Fires” növbəti görüşünü fevralın 5-də “Sərhədçi” İdman Olimpiya Mərkəzində “Astana Arlans”ı qəbul edəcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM