Bu gün kişi və qadınlar arasında şahmat üzrə 2011-ci il Azərbaycan çempionatlarının mükafatlandırma mərasimi keçirilib. Apasport.az saytının məlumatına görə, Mərkəzi Bankın inzibati binasında keçirilən tədbirdə qalibləri Şahmat Federasiyasının prezidenti Elman Rüstəmov təbrik edib.

Qurum prezidenti mükafatçıların gərgin keçən mübarizədən sonra müəyyənləşdiyini bildirib. Daha sonra qadınlar arasında ölkə çempionatında ilk “üçlük”də qərarlaşan Türkan Məmmədyarova, Zeynəb Məmmədyarova və Gülnar Məmmədovaya medal, diplom və pul mükafatları təqdim olunub.

Mükafatlandırma mərasimində kişilər arasında fəxri kürsüyə yüksələn Nicat Məmmədov, Rüfət Bağırov və Qədər Hüseynov da medallarına qovuşublar. Onlara da medallardan əlavə, pul mükafatı və diplomlar da verilib.

Qeyd edək ki, Azərbaycan çempionatında iştirak edən və ilk “3-lükdə” yer almayan şahmatçılara da pul mükafatları verilib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM