Sambo üzrə Azərbaycan yığması 2011-ci ilin ilk yarışında medal qazana bilməyib. Bu barədə apasport.az saytına məlumatı milli komandamızın baş məşqçisi Mübariz İbrahimov verib.

Onun sözlərinə görə, Qazaxıstanın Uralsk şəhərində keçirilən Dünya kubokunun mərhələ yarışında ölkəmizin idman şərəfini qoruyan 6 idmançı fəxri kürsüdə yer almayıb. Buna səbəb isə turnirin Olimpiya sistemi ilə keçirilməsi olub: “Yarışa yaxşı hazırlaşmışdıq. Lakin təəssüf ki, yığmamızın üzvləri sonacan irəliləyə bilmədilər. Burada yarışın Olimpiya sistemi ilə keçirilməsi də mühüm rol oynadı. Çünki yetirmələrimi məğlub edən samboçular sonda çempion adını qazandılar”.

Qeyd edək ki, Dünya kubokunda milli komandamızın heyətində Ağasəf Səmədov (52 kq), Elnur Əhmədov (62 kq), Namiq Sultanov (68 kq), Samir Kərimov (74 kq), Elməddin Əhmədov (82 kq) və Elşən Cəfərli (+100 kq) yer almışdılar.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM