WSB Liqasında mübarizə aparan Bakının “Baku Fires” klubu zəfər yürüşünü davam etdirir. Apasport.az saytının məlumatına görə, 8-ci turda Qazaxıstanın “Astana Arlans” klubunu qəbul edən paytaxt klubu növbəti qələbəsini bayram edib.

Astana qurdlarına heç bir şans verməyən Həmzət Ağayevin yetirmələri rəqibi 4:1 hesabı ilə məğlub ediblər. “Sərhədçi” Olimpiya İdman Mərkəzində baş tutan qarşılaşmada “Baku Fires”in heyətində Tuqsoqot Nayambayan (54 kq) Mirjan Rahimjanova, Soltan Migitinov (73 kq) Salyam Kanatlana, Rizvan Əlimuradov (85 kq) Marat Moldageyevə, Məhəmmədrəsul Məcidov (+91 kq) isə Sərdor Abdullayevə qalib gəliblər. Boksçularımızdan yalnız Koba Pxakadze (61 kq) Yerjan Mussafirova uduzub.

Qeyd edək ki, “Baku Fires” klubu WSB Liqasında 100 faizlik nəticə göstərib və qrup lideridir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM