“İddiaçıların görüşünün püşkatmasından narazıyıq. Püşk yarışda Rusiyanı təmsil edəcək şahmatçılarımız - Vladimir Kramnik və Aleksandr Qrişuk üçün uğurlu olmayıb. Çünki onlar finaldan öncə bir-birini sınağa çəkəcəklər”. Apasport.az saytının məlumatına görə, bu sözləri Rusiya Şahmat Federasiyasının İdarə Heyətinin sədri İlya Levitov deyib.

O bildirib ki, həmyerliləri turnirin I mərhələsində qalib gəldikləri halda, yarımfinalda görüşəcəklər. Levitovun sözlərinə görə, sabiq dünya çempionu Kramnikin 1/4 finalda azərbaycanlı Teymur Rəcəbovu məğlub etmək şansı yüksəkdir: “Kramnik və Qrişukun üçün ilk oyunlar elə də asan olmayacaq. Amma onların potensialları imkan verir ki, yarışda uğurlu çıxış etsinlər. Yəni növbəti mərhələyə çıxmaq üçün hər 2 zəka sahibimizin yaxşı şansı var”.

Xatırladaq ki, mayın 3-27-də Kazanda keçiriləcək iddiaçıların görüşündə digər cütlüklərdə Vaselin Topalov (Bolqarıstan) Qata Kamski (ABŞ) ilə, Levon Aronyan (Ermənistan) Aleksandr Qrişukla (Rusiya), Boris Gelfand (Rusiya) isə Şəhriyar Məmmədyarovla (Azərbaycan) qarşılaşacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM