Sabah İrana yola düşəcək taekvondo üzrə Azərbaycan yığmasının son məşqlərində 2 üzvü zədələnib. Bu barədə məlumatı apasport.az saytına milli komandamızın baş məşqçisi Ələkbər İmaməliyev verib.

Onun sözlərinə görə, Urmiya şəhərinə 16 taekvondoçu ilə getməyi planlaşdırsalar da, Vüqar Kərimov (54 kq) və Sənan Əsədzadə (74 kq) zədələndiyindən heyətdən kənarlaşdırılıblar: “Son hazırlıqlar bir qədər gərgin keçdi. Bunun nəticəsində yetirmələrimdən Vüqar və Sənan diz nahiyəsindən zədə aldılar. Bunun üçün səfərə 14 idmançı ilə yollanacağıq. İnanıram ki, uşaqlar çəkdiyimiz əziyyətin qarşılığını verəcəklər. Düzdür, “Fəcr” turniri həmişə çətin olur. Amma biz ənənəvi keçirilən bu yarışda həmişə 2-3 medal qazanmağı bacarmışıq. Fikrimcə, bu dəfə də istisna olmayacaq”.

Qeyd edək ki, beynəlxalq turnir fevralın 24-25-də keçiriləcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM