İranın Urmiya şəhərində keçirilən taekvondo üzrə “Fəcr” turnirinə yekun vurulub. Apasport.az saytının məlumatına görə, yarışda 13 idmançı ilə mübarizə aparan Azərbaycan yığması vətənə 1 gümüş və 5 bürünc medalla qayıdıb.

Milli komandamızın üzvlərindən yalnız finalda uduzan Rövşən Məmmədov (63 kq) fəxri kürsünün II pilləsinə yüksəlib. Samir Cavadlı (58 kq), Ziya Qasımov (63 kq), Namaz Heydərov (74 kq), Bayraməli Vəliyev (80 kq) və Ceyhun Həsənli (87 kq) isə III pillədə qərarlaşıblar.

Qeyd edək ki, 12 ölkənin yığmasının iştirak etdiyi “Fəcr” turnirində Ələkbər İmaməliyevin yetirmələri komanda hesabında 3-cü yeri tutublar. Onları İran və Əfqanıstan taekvondoçuları qabaqlayıblar.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM