Martın 9-13-də Bakıda keçiriləcək boks üzrə “Böyük İpək Yolu” turnirinə qatılacaq komandalar müəyyənləşib. Boks Federasiyasının vitse-prezidenti Ağacan Abıyevin apasport.az saytına verdiyi məlumata görə, yarışda iştirak etmək üçün ölkəmizə Rusiya (2 komanda ilə), Qazaxıstan, Türkiyə, Özbəkistan, İran, Tacikistan və Gürcüstan yığmaları təşrif buyuracaqlar.

Azərbaycan yığması isə “Böyük İpək Yolu”na 3 komanda ilə qatılacaq. Abıyev bildirib ki, bu turnirdə millinin 1 və 2 nömrələri ilə yanaşı, gənclər yığmamızın da əsas üzvləri qüvvələrini sınayacaqlar.

Vitse-prezident boksçularımızın “Böyük İpək Yolu”na ciddi hazırlaşdıqlarını və yarışda iştirak edəcək idmançılarımızdan böyük uğur gözlədiklərini deyib.

Qeyd edək ki, dünyada böyük boks ənənəsinə malik Rusiya yığması Bakıya əsas heyətlə gəlir. Yarışın texniki nümayəndəsi isə fransalı Mairesse olacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM