Bolqarıstan Ağır Atletika Federasiyası ağır cəzalar tətbiq etməyi planlaşdırır. Apasport.az saytının məlumatına görə, qurum rəhbərliyini 18 yaşlı perspektivli idmançıları Boyanka Kostovanın vətəni tərk etməsi narahat edir.

Sinqapurda keçirilən yeniyetmələrin I Yay Olimpiya Oyunlarının qalibinin şəxsi məşqçisi Laçezar Kişkilovla Bakıya qaçdığı iddia edildiyindən atletin hüquqları dayandırıla və yarışlarda iştirakına son qoyula bilər. Səbəb isə idmançının icazəsiz Azərbaycan gəlməsi göstərilir. Bolqarıstanlı həmkarlarımızın yazdıqlarına görə, onlar paytaxtımıza gələrkən nə Bolqarıstan Ağır Atletika Federasiyası prezidenti Nedelço Kolevdən, nə də idman naziri Svilen Neykovla bu barədə məsləhətləşməyiblər.

Bunun üçün də rəhbərlik qətiləşdirib ki, Boyankanın hansısa ölkəni təmsil etməsinə icazə verilməyəcək. Hətta federasiyanın bu məsələ ilə bağlı rəsmi bəyanat yayacağı da gözlənilir.

Qeyd edək ki, hazırda Azərbaycan yığmasında 7 bolqar atlet var. Əgər Kostova da milliləşdirilərsə, onların sayı artacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM