Boks üzrə gənclərdən ibarət Azərbaycan milli komandası iyunun 5-də Ukraynaya yollanacaq. Apasport.az saytının məlumatına görə, səfərdə məqsəd Olimpiya çempionu Vladimir Kliçkonun şərəfinə keçiriləcək beynəlxalq turnirdə iştirak etməkdir.

Ukrayna rinqində baş məşqçi Şamil Əlimzanov və məşqçi Vidadi Tağıyevin rəhbərliyi altında 10 boksçu qüvvəsini sınayacaq. İdmançılarımızdan Orxan Süleymanov (49 kq), Ramal Yusifzadə (52 kq), Salman İbrahimov (56 kq), Pərviz Bağırov (60 kq), Coşqun Əliyev (64 kq), Fəqan Hüseynov (69 kq), Rauf Rəhimov (75 kq), Rəvan Əliyev (81 kq), Hacıbaba Hacıbabayev (91 kq) və Heydər Heydərov (+91 kq) mükafatçılar sırasına düşməyə çalışacaqlar.

Qeyd edək ki, Vladimir Kliçko turniri iyunun 7-də start götürəcək və 4 gün sonra başa çatacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM