Almaniyanın Frankfurt şəhərində keçirilən usta cüdoçular arasında Dünya çempionatının qalibləri müəyyənləşib. Apasport.az saytının məlumatına görə, yarışa 18 idmançı ilə yollanan Azərbaycan milli komandası vətənə 6 medalla qayıdıb.

Almaniyada ölkəmizin idman şərəfini qoruyan veteran cüdoçularımızdan Vüqar Budaqov (66 kq), Rəsul Səlimov, Fərhad Rəcəbli (hər ikisi 90 kq, müxtəlif yaş qruplarında) və Azər Əsgərov (100 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar. Məhəmməd Müslümzadə (+100 kq) və Samir Fətəliyev (73 kq) isə bürünc medalla kifayətləniblər.

Qeyd edək ki, 49 ölkənin mübarizə apardığı mundialda yığmamız komanda hesabında 7-ci yeri tutub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM