Rumıniyada keçirilən şahmat üzrə V “Bazna Kings” turnirinə yekun vurulub. Apasport.az saytının məlumatına görə, yarışda iştirak edən azərbaycanlı qrossmeyster Teymur Rəcəbov ötən ilki uğurunu təkrarlaya bilməyib.

2010-cu ildə analoji turnirdə gümüş medala layiq görülən həmyerlimiz bu dəfə 10 matçdan 4,5 xal toplayaraq, Hikaru Nakamura (ABŞ) ilə 3-4-cü yerləri bölüşüb. Yarışda diqqət çəkən məqamlardan biri Rəcəbovun qələbə qazana bilməməsidir. 1 görüşdə uduzan Teymur 9 dəfə rəqibləri ilə xalları yarı bölüb.

“Bazna Kings”in ilk 2 pilləsində təmsilçimizdən 2 xal artıq toplayan Maqnus Karlsen (Norveç) və Sergey Karyakin (Ukrayna) qərarlaşıblar. Son pillələri isə 4 xala malik Vasili İvançuk (Ukrayna) və Liviu-Diter Nisipyanu (Rumıniya) tutublar.

Qeyd edək ki, Teymur 2009-cu ildə də əlavə göstəricilərə görə 4-cü olmuşdu.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM