Ankarada keçirilən boks üzrə Avropa çempionatında Rusiya milli komandasının üzvü Abdulhəmid Nurməhəmmədovun azərbaycanlı Teymur Məmmədova uduzması birmənalı qarşılanmayıb. Apasport.az saytının məlumatına görə, şimal qonşularımızın baş məşqçisi Nikolay Xromov 1/4 finalda həmyerlimizə uduzan yetirməsinin çıxışından narazı qalıb.

Əsəsən fiziki problemləri səbəb gətirən çalışdırıcı Nurməhəmmədovun gücünün tükənməsini qabardıb: “Onun bir az fiziki gücü çatmadı. Son raunddan öncə idmançımız 2 xalla (15:13) fərqi ilə öndə idi. Ancaq bundan öncəki 2 gündə 2 çox ağır döyüş keçirdiyindən, fiziki hazırlıqda problemləri oldu. Əlbəttə, məğlubiyyət üzücüdür, ancaq indi nə edə bilərsən?”.

Qeyd edək ki, 91 kq çəki dərəcəsində döyüşən Məmmədov Nurməhəmmədovu 23:21 hesabı ilə məğlub edərək, yarımfinala yüksəlib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM