Azərbaycan milli komandası Braziliyanın San-Paulo şəhərində keçiriləcək cüdo üzrə Dünya Kubokunda iştirak edəcək. Apasport.az saytının məlumatına görə, iyunun 25-26-da baş tutacaq yarışda ölkəmizin idman şərəfini 8 idmançı qoruyacaq.

London-2012-yə lisenziya xarakterli Dünya Kubokunda Ağayar Axundzadənin yetirmələrindən İlqar Müşkiyev, Nicat Şıxəlizadə (hər ikisi 60 kq), Tərlan Kərimov (66 kq), Elxan Rəcəbli (81 kq), Elxan Məmmədov (90 kq), Elmar Qasımov (100 kq), Kifayət Qasımova (57 kq) və Ramilə Yusubova (63 kq) iştirak edəcəklər.

Yarışın qalibi 100, 2-ci yerin sahibi 60, 3-cü yerin sahibi 40, 5-ci yerin tutan cüdoçu isə aktivinə 20 lisenziya xalı yazdıracaq.

Qeyd edək ki, Braziliyanın Rio-de-Janeyro şəhərində keçirilən “Böyük dəbilqə”də iştirak edən millimiz burada təlim-məşq toplanışını yekunlaşdıraraq, artıq San-Paulo şəhərinə yollanıb. Bu turnirdə bürünc medal qazanan Olimpiya çempionumuz Elnur Məmmədli (81 kq) isə Dünya Kubokuna qatılmayacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM