“Avropa çempionatı çox gərgin keçdi. Xüsusilə, orada yeni simalar parladı”. Apasport.az saytının məlumatına görə, bu sözlər boks üzrə Bolqarıstan milli komandasının baş məşqçisi Petr Losevə məxsusdur.

Bolqarıstanlı mütəxəssis Ankarada yenicə başa çatan Avropa çempionatına münasibət bildirib. Onun fikrincə, artıq qitədə qüvvələr nisbəti bərabərləşir: “Bu yarışda bir çox güclü komandalar iştirak edirdi. Rusiya, Azərbaycan, Ukrayna, Uels, Türkiyə və İrlandiya əla heyətə malik idi. Bunun üçün də onların hamısı medal qazandılar”.

O 91 kq çəki dərəcəsinin final qarşılaşmasında həmyerlimiz Teymur Məmmədova uduzan Tervel Pulevin həlledici görüşə hazır olmadığını deyib: “Onun burnunda problem var idi. Bunun üçün çətin nəfəs salırdı. Bundan əlavə, yarımfinaldakı döyüşdən sonra da bərpa olunmağı bacarmadı”.

Qeyd edək ki, Azərbaycan milli komandası Avropa çempionatında 2 qızıl və 1 bürünc medala sahib olub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM