Rusiyanın Qroznı şəhərində boks üzrə məktəblilər arasında Avropa birinciliyi start götürüb. Azərbaycan Boks Federasiyasının mətbuat xidmətindən apasport.az saytına verilən məlumata görə, “Olimpiyski” İdman Kompleksində keçirilən yarışda 155 idmançı mübarizə aparır. Komandamız turnirə 14 nəfərlik heyətlə yollanıb.

Qroznıda ölkəmizin idman şərəfini Mirağa İsmayılov (38,5 kq), Pərviz Quliyev (40 kq), Qüdrət Quliyev (41,5 kq), Rüfət Hüseynov (43 kq), Elməddin İsmayılov (44,5 kq), Sərxan Əliyev (46 kq), Həsən Abbasov (48 kq), Tayfur Əliyev (50 kq), İsmayıl Hüseynov (52 kq), Elvin Məhərrəmov (54 kq), Anar Qarayev (56 kq), Hüseyn Tarıverdiyev (59 kq), Rövşən Musayev (62 kq) və Təbriz Hacızadə (68 kq) qoruyur.

Avropa birinciliyinin təntənəli açılış mərasimində Çeçenistan respublikasının prezidenti Ramzan Kadırov, Rusiya Boks Federasiyasının birinci vitse-prezidenti Andrey Danko, Olimpiya çempionu Aleksandr Lebzyak, 2 qat Olimpiya çempionu Aleksey Tişenko və digər tanınmış şəxslər iştirak ediblər. Qeyd edək ki, yarışa iyulun 16-da yekun vurulacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM