Avqustun 13-də Çinin Şenjen şəhərində start götürən Tələbələrin XXVI Yay Universiadasında cüdo üzrə Azərbaycan milli komandası çıxışını yekunlaşdırıb. Apasport.az saytının məlumatına görə, səfərə gənclərdən ibarət yığma komandanın məşqçisi Fərhad Məmmədovun rəhbərliyi altında 5 idmançı ilə yollanan millinin sonuncu üzvü Rasim Əsədullayev (60 kq) də yarışı medalsız başa vurub.

O, qazaxıstanlı idmançı Bakdaulet Sabitova məğlub olaraq, mübarizəni erkən dayandırıb.

Qeyd edək ki, Universiadada Azərbaycan yığmasında hələlik yeganə medal cüdoçumuz Rüstəm Alimlinin (81 kq) aktivindədir. O, yalnız finalda uduzaraq, ikinci olub. Alimlinin komanda yoldaşları Rüstəm Orucov (66kq), Ramin Qurbanov (90kq) və Emil Tahirov (+100kq) isə Əsədullayevin aqibətini yaşayıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM